KAMATI YA SIASA YATEMBELEA KITUO CHA AFYA MKUMBI

Tarehe ya kuwekwa: December 29th, 2022

Kamati ya Siasa Wilaya ya Mbinga leo Disemba 29, 2022 imetembelea na kukagua maendeleo ya ujenzi wa Kituo cha Afya kinachojengwa Kata ya Mkumbi, Tarafa ya Mkumbi Halmashauri ya Wilaya ya Mbinga.

Kituo hicho cha Afya Mkumbi kinajengwa kwa gharama ya shilingi Milioni 500, fedha zilizotolewa na Serikali Kuu wakati huu kikiwa kwenye hatua za mwisho za ukamilishaji wa ujenzi wa miundombinu yake kama vile Jengo la Wagonjwa wa Nje (OPD), Jengo la Upasuaji, Jengo la Maabara, Jengo la Mama na Mtoto, Jengo la Kufulia (Loundry) na Kichomeo Taka (Incinerator).

Aidha kwa mujibu wa maelezo ya Kaimu Mganga Mkuu wa Halmashauri Bw. George Mhina Kituo hicho kinatarajiwa kuanza kutoa huduma Mwezi Machi 2023 huku Mwenyekiti wa CCM Wilaya ya Mbinga Ndg. Joseph Mdaka na Kamati yake ya Siasa wakiahidi kuziwasilisha changamoto za kukosekana kwa umeme, maji na barabara kwenye Kituo hicho zilizobainishwa mbele yake na Diwani wa Kata ya Mkumbi Bruno Kapinga kwa viongozi wa Taasisi husika za TANESCO, RUWASA na TARURA.

Imeandaliwa na

Salum Said, Kitengo cha Mawasiliano ya Serikali 

Tarehe 29 Disemba, 2022