KASHUSHURA AWAPONGEZA WANANCHI UJENZI WA SHULE

Tarehe ya kuwekwa: September 10th, 2024

Mkurugenzi wa Halmashauri ya Wilaya ya Mbinga Joseph  Kashushura  amewapongeza wananchi wa Kata ya Mkako kwa kuunga mkono jitahada zinazofanywa na Serikali za kuwaondolea adha wanafunzi kutembelea umbali mrefu kufuata  elimu.

Wananchi wa Kata ya Mkako wametoa eneo la ekari 7 liliopo katika  Kitongoji cha Muungano  Kijiji cha Lihale   kwa ajili ya kujenga shule shikizi,wananchi hao wanatekeleza ujenzi wa vyumba 3 vya madarasa na ofisi 1 utekelezaji ambao upo katika   hatua ya renta.

Mkurugenzi Kashushura ametoa pongezi hizo  katika ziara yake ya kusikiliza na kutatua  kero za wananchi pamoja na  kutembelea miradi ya maendeleo inayotekelezwa katika Kata hiyo   tarehe 09 Septemba 2024.

Amesema “Huu ni utekelezaji wa kimkakati  madarasa haya yakikamilika  yatawaondolea adha hawa wanafunzi  ambao wanatembea umbali mrefu ni ahidi kuongeza nguvu  hasa katika upande wa simenti na nondo ili mradi huu ukamilike”

Pamoja na ahadi hiyo Mkurugenzi Kashushura ameahidi kutoa Shilingi Ml. 5 kwa ajili ya  kumalizia ujenzi wa ofisi ya Kijiji cha Lihale.

Kwa upande wake Afisa Elimu Kata Kata ya Mkako France Komba  amebainisha kuwa ujenzi huo wa shule shikizi  unatarajia kukamilika mapema ili ifikapo Januari 2025 shule hiyo ianze kutoa huduma kwa wanafunzi ambao wanatembea zaidi ya kilometa 5   kwenda katika shule mama.