Mbinga yaweka historia kwa kufanya mnada wa kahawa kwa mara ya kwanza

Tarehe ya kuwekwa: September 12th, 2019

Halmashauri ya Wilaya Mbinga imefanya mnada wa kahawa kwa mara yakwanza ndani ya Halmashauri, mnada huu ni matokea ya agizo la Waziri mkuu wa Jamhuri ya Tanzania Mh: Kassim Majaliwa  alipofanya ziara Wilaya ya Mbinga, januari 2019. Mheshimiwa Waziri Mkuu aliagiza mnada wa kahawa ufanyike kwenye kanda ambazo kahawa huzalishwa.

Wilaya ya Mbinga imeweza kutimiza agizo hilo ambapo Mbinga inakuwa makao makuu ya kanda ya Ruvuma huku kahawa kutoka Nyasa, Madaba na Songea ikiletwa hapa kwaajili ya Mnada

Katika ufunguzi wa mnada kwa mara ya kwanza Mkuu wa Wilaya ya Mbinga ametaka wafanyabiashara na makampuni mbali mbali kujitokeza nakushiri katika mnada huo, mnada kwa Mbinga utafanyika kila alhamis.

Katika mnada wa leo jumla ya magunia 15287 yenye kilo 60 kila moja yameuzwa kwa mnada sawa na kilo 917,220. Jumla ya fedha inaandaliwa kwakuwa makampuni bado yanafanya majumuisho ya ununuzi wa kahawa hiyo.

Pichani: Mkurugenzi mtendaji wa Halmashauri ya Wilaya ya Mbinga Bwana Juma Mnwele akifuatilia mnada wa kahawa