HALMASHAURI YA MBINGA YAHAMASISHA UNYWAJI WA MAZIWA.

Tarehe ya kuwekwa: June 5th, 2023

Katika kuunga mkoni jitihada zinazofanywa na Rais wa Jamhuri ya Muungano wa Tanzania Mhe. Samia Suluhu Hassan za kuimarisha lishe na kutokomeza udumavu nchini, Juni 04,2023 Halmashauri ya Wilaya ya Mbinga kupitia Divisheni ya Kilimo,Mifugo na Uvuvi imeendesha zoezi la kuhamasisha unywaji wa maziwa ili kuwajengea wananchi tabia ya kunywa maziwa yenye viini lishe vya kutosha  vya kuupa mwili mahitaji mhimu.

Akizungumza wakati wa zoezi hilo Afisa Mifugo wa Halmashauri ya Wilaya ya Mbinga Bw. Haruna Masige amebainisha kuwa  maziwa yana viini lishe vya kutosha  kama vile  protini,vitamini, mafuta, wanga pamoja na  madini ya calcium na phosphorus  ambavyo ni mhimu  sana katika ukuaji na  kuboreshaji wa  afya.

Zoezi hilo lilifanyika katika Shule za Msingi za Mahenge na Litembo zilizopo katika Halmashauri ya Wilaya ya Mbinga.