SHILINGI 1,544,770,750.00 ZATUMIKA KUBORESHA MIUNDOMBINU YA AFYA

Tarehe ya kuwekwa: July 15th, 2025

Katika Mwaka wa fedha 2024/2025 Halmashauri ya Wilaya ya Mbinga ilitenga na kutumia fedha kiasi cha shilingi 1,544,770,750.00 kutoka mapato ya ndani kwa ajili ya kutekeleza ujenzi na uboreshaji wa miundombinu ya kutolea huduma za afya.

Hayo yamebainishwa na Kaimu Mkuu wa Idara ya Huduma za Afya, Ustawi wa Jamii na Lishe George Mhina tarehe 15 Julai 2025 katika kikao cha tathmini ya utoaji wa huduma za afya Hamashauri ya Wilaya ya Mbinga katika mwaka wa fedha 2024/2025.

Ameeleza kuwa pamoja na mapato ya ndani Halmashauri ilipokea fedha kutoka Serikali Kuu shilingi 1,516,725,927.17 kwa ajili ya utekelezaji huo.

Fedha hizo zimetumika kuboresha miundombinu ya Zahanati 18, Vituo vya Afya 4 pamoja na miundombinu ya Hospitali ya Halmashauri ya Wilaya ya Mbinga.