WATAALAM OR-TAMISEMI WARIDHISHWA NA MIRADI YA MBINGA DC

Tarehe ya kuwekwa: July 17th, 2025

Wataalam kutoka Ofisi ya Rais Tawala za Mikoa na Serikali  za Mitaa  (OR-TAMISEMI) wameridhishwa na utekelezaji wa miradi ya maendeleo inayotekelezwa katika Halmashauri ya Wilaya ya Mbinga hususan ujenzi na uboreshaji wa miundombinu ya sekta ya  Elimu.

Hayo yamebanishwa Juni 17, 2025 na Bw. Robert Sabwoya Mchumi Mwandamizi kutoka Ofisi ya Rais – TAMISEMI ambae pia ni kiongozi wa ziara ya kutembelea na kukagua utekelezaji wa miradi ya maendeleo katika Halmashauri ya Wilaya ya Mbinga.

“Niwapongeze sana  tumeridhishwa na utekelezaji wa miradi hii  mfano hii shule ya Sekondari Mashujaa mmetekeleza kwa kutumia force account lakini ni kama  mmetumia kandarasi, niwapongeze sana” Amebainisha

Naye Mkuu wa Divisheni ya  Miundombinu na Maendeleo ya Miji na Vijiji   Mhandisi  Neema Mbilinyi  kutoka Halmashauri ya Wilaya ya Mbinga ameeleza kuwa moja ya changamoto   kubwa wakati wa utekelezaji wa miradi ni jeographia ya Wilaya ya Mbinga yenye miinuko na mabonde inayopelekea kuongezeka kwa gharama za utekelezaji.

“Tunashukuru sana Serikali kwa kutuletea fedha  lakini changamoto tunayokumbana nayo sana ni kuongezeka kwa gharama za miradi kama mlivyoona wenyewe tunaomba mtufikirie wakati wa kuleta fedha kwa ajili ya utekelezaji” Amebainisha

Kwa upande wake Mkuu wa Divisheni ya Elimu Sekondari MMwalimu Felix Danda amesema moja ya mafanikio ya utekelezaji wa miradi  sekta ya Elimu ni kuwaondolea adha wanafunzi kutembea umbali mrefu kufuata  shule maeneo jirani.

Miradi iliyotembelewa ni pamoja na  ujenzi wa madarasa 5 na matundu  ya vyoo Shule ya Msingi Lunoro, Jengo la uwekezaji (Mbinga DC Mall), Shule mpya Sekondari Mashujaa, Ujenzi wa mabweni 2 Shule ya Sekondari Hagati pamoja na ujenzi wa vymba 7 vya madarasa Shule ya Msingi Ukata.