MBINGA DC KUENDELEA KUSHIRIKIANA NA MASHIRIKA YA KIDINI KATIKA SEKTA YA AFYA

Tarehe ya kuwekwa: July 5th, 2024

MBINGA DC KUENDELEA KUSHIRIKIANA NA MASHIRIKI YA KIDINI KATIKA SEKTA YA AFYA

Na Silvia Ernest

Halmashauri ya Wilaya ya Mbinga itaendelea kushirikiana na mashirika ya kidini katika kuimarisha utoaji wa huduma bora za afya hususan huduma ya mama na mtoto ili kupunguza vifo vitokanavyo na uzazi.

Kauli hiyo imetolewa tarehe 5 Julai 2024 na Mkurugenzi Mtendaji Halmashauri ya Wilaya ya Mbinga   Joseph Kashushura katika kikao cha tathmini ya makubaliano ya utoaji wa huduma za afya baina ya Halmashauri ya Wilaya ya Mbinga na Jimbo Katoliki la Mbinga  kwa kipindi cha Aprili hadi Juni 2023.

Mkurugenzi Kashushura amebainisha kuwa Serikali inatambua na kuthamini mchango wa mashirika ya kidini katika kutoa huduma bora za afya nchini.

“Serikali inatambua mchango mkubwa unaofanywa na mashirika ya kidini ni ahidi kwamba ushirikiano huu katika Halmashauri ya Wilaya ya Mbinga utakuwa endelevu”

Kwa upande wake Askofu wa Jimbo la Mbinga  John Ndimbo  amemuomba Mkurugenzi Kashushura  kusaidia kutatua changamoto ya upungufu wa watoa huduma za afya  katika Hospitali ya Litembo iliyopo Halmashauri ya Wilaya ya Mbinga ili hospitali hiyo iendelee  kutoa huduma bora  na kuwafikia wananachi wengi zaidi.

Aidha amewataka wafanyabiashara hao kuendelea  kushirikiana na Halmashauri  ya Wilaya ya Mbinga kwa kutoa taarifa pindi wanapogundua wafanyabiashara ambao wanakiuka taratibu hatua ambayo itapelekea  kudhibiti upotevu wa mapato.