MBINGA DC NA KAMPENI YA UTUNZAJI WA MAZINGIRA KUELEKEA MAADHIMISHO MIAKA 60 YA MUUNGANO

Tarehe ya kuwekwa: April 25th, 2024

Watumishi wa Halmashauri ya Wilaya ya Mbinga mapema leo Aprili 25, 2024 wameungana na wanafunzi na walimu wa shule ya Msingi Juhudi iliyopo Kata ya Kigonsera katika kufanya usafi wa mazingira pamoja na kushiriki zoezi la upandaji wa miti.

Shughuli hizo zinazolenga utunzaji na uhifadhi wa mazingira zimefanyika kwenye maeneo mbalimbali ya shule ya msingi Juhudi kuelekea kilele cha sherehe za Maadhimisho ya Miaka 60 ya Jamhuri ya Muungano wa Tanzania hapo kesho Aprili 26, 2024.

Akizungumza kwa niaba ya Mkurugenzi Mtendaji wakati wa zoezi hilo, Bw. Pascal Ndunguru ambaye ni Afisa Maendeleo ya Jamii Halmashauri ya Wilaya ya Mbinga ametoa wito kwa jamii kuwa na utamaduni wa kutunza mazingira pamoja na kuendelea kupanda miti katika maeneo yao.