MBINGA DC YAIBUKA KIDEDEA UMISSETA MKOA WA RUVUMA

Tarehe ya kuwekwa: July 5th, 2023

Halmashauri ya Wilaya ya Mbinga imeibuka mshindi wa jumla katika mashindano ya Umoja wa Michezo na Taaluma kwa Shule za Sekondari ( UMISSETA) Mkoa wa Ruvuma.

Mashindano hayo yalifanyika kuanzia tarehe 04 hadi 6 june 2023 katika viwanja vya Shule ya Wasichana Songea yakihusisha Halmashauri 8 za Mkoa wa Ruvuma.

Akizungumza Juni,8,2023 baada ya mashindano hayo, Afisa Michezo na Utamaduni Halmashauri ya Wilaya Mbinga Bw. Charles Maero amebainisha kuwa wanafunzi wa Halmashauri ya Mbinga wameipeperusha vyema bendera ya Halmashauri yao kwa kuzigalagaza Halmashauri 7 za Mkoa wa Ruvuma na kutwaa vikombe 7 katika mashindano hayo.

Ameeleza kuwa Halmashauri hiyo imetwaa ushindi katika mchezo wa mpira wa miguu wavulana,mpira wa mikono, mpira wa meza ( wanaume,wanawake),Riadha,Fani za ndani,usafi na nidhamu pamoja na mshindi wa jumla.

Lengo la mashindano haya ni kupata timu ya Mkoa kwa ajili ya kushiriki mashindano ya UMISSETA Kitaifa ambayo yanayotarajia kuanza 15 june 2023 Mkoani Tabora.