MBINGA DC YAPONGEZWA HATI SAFI

Tarehe ya kuwekwa: July 13th, 2024

Halmashauri ya Wilaya ya Mbinga imepongezwa kwa  kupata  hati safi katika matokeo ya ukaguzi ambao ulifanywa na Mdhibiti na Mkaguzi Mkuu wa Hesabu za Serikali kwenye  hesabu  za Halmashauri  ya Wilaya ya Mbinga  kwa mwaka wa fedha 2022/2023  ulioishia  Juni 30, 2023.

Pongezi hizo zimetolewa  Julai 13, 2024 na Katibu Tawala wa Mkoa wa Ruvuma Rehema Madenge wakati akisoma hotuba kwa niaba ya Mkuu wa Mkoa wa Ruvuma  Kanali Abbas Mohamed Abbas katika Baraza la madiwani la kujadili taarifa ya Mkaguzi na Mdhibiti Mkuu wa Hesabu za Serikali (CAG) mwaka wa fedha wa 2022/2023 katika Halmashauri  ya Wilaya ya  Mbinga.

Amesema “Niipongeze Halmasahuri ya Wilaya ya mbinga kwa kupata hati safi ikwa ni matokeo ya  ukaguzi amabao ulifanywa na  Mdhiti na Mkaguzi Mkuu wa Hesabu za Serikali hongereni sana”

Pamoja na pongezi hizo  ameuagiza uongozi wa  Halmashauri ya Wilaya ya Mbinga kuhakikisha unakamilisha  mapendekezo ya CAG  na kufunga hoja zote zilizobaki  ikiwa ni pamoja na maagizo ya LAAC  kabla au ifikapo  Septemba 30,2024.

Aidha ametoa wito kwa madiwani wa Halmashauri ya Wilaya ya Mbinga  kufanya ufuatiliaji wa karibu na kuhakikisha hoja  hazizalishwi na kuweka mikakati ya kupunguza hoja.

Kwa upande wake Mwenyekiti wa Halmashauri ya Wilaya ya Mbinga  Mhe.  Desderius  Haule amesema kuwa utekelezaji wa  maagizo yote yaliyotolewa yatafanyiwa kazi.