MBINGA DC YAVUKA LENGO UKUSANYAJI WA MAPATO,

Tarehe ya kuwekwa: August 31st, 2023

Na Silvia Ernest

Halmashauri ya Wilaya ya Mbinga imevuka lengo katika ukusanyaji wa mapato kwa  kukusanya mapato ya ndani kiasi cha shilingi  Bil. 6.478 katika  mwaka wa fedha 2022/ 2023 ulioanza  Julai 01,  2022 hadi Juni 30,  2023.

Makisio  ya awali ya  Halmashauri  kwa mwaka wa fedha 2022/2023  yalikuwa  Shilingi  4,598,598,800 yakijumuisha mapato lindwa na mapato halisi.

Mapato hayo yametokana na  kodi na tozo, miamala ya kibiashara,tozo na ushuru mbalimbali,misaada kutoka nje pamoja na  mapato mengineyo.

Taarifa hii imetolewa 31 Agosti 2023  na Mkuu wa Kitengo cha Fedha na Uhasibu  Halmashauri ya Wilaya ya Mbinga  CPA Samwel James Marwa  katika  Kikao cha Baraza la Madiwani kujadili na kuidhinisha  hesabu  kwa kipindi kilichoanzia tarehe 01 Julai 2022 hadi 30 Juni 2023.

Marwa ameongeza kuwa jumla ya mapato  ya Ruzuku  yaliyopokelewa ni Shilingi Bil. 30.7  fedha ambazo zimetumika  kwa matumizi ya kawaida na maendeleo kama vile stahiki za  watumishi, manunuzi ya  huduma mbalimbali,matengenezo  pamoja na haki za kijamii.

Kwa upande wake  Katibu Tawala Msaidizi Sehemu ya usimamizi wa Menejimenti,Ufatiliaji na Ukaguzi (MMI)  Mkoa wa Ruvuma Phiniel Mbula  ameipongeza Halmashauri ya Wilaya ya Mbinga kwa kusimamia ukusanyaji wa mapato ameitaka Halmashauri hiyo kuendelea kuimarisha usimamizi katika ukusanyaji  na matumizi ya mapato.

Amesema " Nitoe pongezi zangu kwa Halmashauri hii  Mkoa unafahamu jitihada mnazofanya katika kuhakikisha mnasimamia ukusanyaji wa mapato, endelezeni ari hii"

Naye Kaimu  Mkurugenzi wa Halmashauri ya Wilaya ya Mbinga Ndg. Andrew  Mbunda  amebainisha kuwa Halmashauri itaendelea  kusimamia ukusanyaji wa mapato ya ndani ili fedha hizo  zitumike katika kutekeleza miradi ya maendeleo yenye kuleta tija kwa wananchi.

https://www.instagram.com/p/CwpO_vAsV20/?igshid=MTc4MmM1YmI2Ng==