MKURUGENZI JUMA AZIKUMBUSHA KAMATI ZA UJENZI SHULE YA MSINGI MIMBUA

Tarehe ya kuwekwa: July 8th, 2023

Mkurugenzi wa Halmashauri ya Wilaya ya Mbinga  Juma Haji Juma amezitaka kamati za ujenzi  zinazohusika katika  ujenzi  wa matundu ya vyoo  17 katika Shule ya Msingi Nimbua kuimarisha usimamizi wakati wa mapokezi na matumizi  ya vifaa  vinavyotumika katika ujenzi huo.

Amebainisha kuwa kutokuwa makini wakati wa mapokezi na matumizi ya vifaa vya ujenzi kunapelekea upotevu wa vifaa na  taarifa zisizo sahihi.

Mkurugenzi ametoa rai hiyo katika ziara ya  Mkuu wa Wilaya ya Mbinga Mhe. Aziza Mangosongo  ya kukagua  utekelezaji wa ujenzi wa matundu ya vyoo 17 yanayojengwa  katika Shule ya Msingi Nimbua iliyopo katika Halmashauri ya Wilaya ya Mbinga.

"Kamati zote zinazohusika na utekelezaji wa ujenzi huu hakikisheni mnaimarisha usimamizi hii itasaidia kuwa na taarifa sahihi ya mapokezi na matumizi ya vifaa" Amebainisha

Ujenzi wa matundu ya vyoo 17 katika shule ya Msingi Nimbua Unatekelezwa kupitia Mradi wa SWASH  na unagharimu Shilingi  Mil. 41,116,795.42