MKURUGENZI RWIZA AWAPIGA MASASA WANAFUNZI

Tarehe ya kuwekwa: May 15th, 2024

MKURUGENZI RWIZA AWAPIGA MSASA WANAFUNZI

Na Silvia Ernest

Mkurugenzi mtendaji Halmashauri ya Wilaya ya Mbinga Joseph Rwiza amewataka wanafunzi wote kuzingatia masomo na kutambua jitihada zinazofanywa na wazazi wao za kuhakikisha wanapata elimu bora.

Aidha amewataka kutambua azma ya Rais wa Jamhuri ya Muungano wa Tanzania Mhe. Samia Suluhu Hassan ya kuimarisha na kuboresha sekta ya elimu nchini.

Rwiza ametoa wito huo tarehe 14 Mei 2024 alipozungumza na wanafunzi wa shule za Sekondari Ruanda na Litumbandyosi katika ziara yake ya kukagua utekelezaji wa miradi ya maendeleo.

" Nafasi hii mlioipata itumieni vizuri wazazi wanataka mpate elimu bora lakini pia Rais wetu amewekeza fedha nyingi ili tujifunze katika mazingira rafiki" Amebainisha Rwiza

Sambamba na hilo Mkurugenzi Rwiza ametoa wito kwa watoa huduma za afya kulinda na kutunza miundombinu ya kutolea huduma za afya akisisitiza kuwa Serikali imewekeza fedha nyingi katika miundombinu hiyo.

" Hivi vifaa tulivyoletewa tuvitunze ili vitumike kwa muda mrefu lakini tuhakikishe mazingira yanayotuzunguka yanakuwa safi na yanapendeza" Amesisitiza Rwiza

Katika ziara hiyo Mkurugenzi Rwiza ametembelea kituo cha afya Litumbandyosi, shule za sekondari Ruanda na Litumbandyosi pamoja na shule za msingi Ruanda na Luhagara.