MKURUGENZI RWIZA NA AGIZO LA FIRST AID KIT SHULENI

Tarehe ya kuwekwa: April 19th, 2024

Mkurugenzi Mtendaji Halmashauri ya Wilaya ya Mbinga Joseph Rwiza amewataka Walimu Wakuu wa shule za Msingi  na Wakuu wa shule za Sekondari zilizopo katika Halmashauri ya Wilaya ya Mbinga kuhakikisha wanaweka  kisanduku cha huduma ya kwanza( First Aid Kit) shuleni  ili kuwezesha utoaji  wa huduma ya kwanza kwa wanafunzi.

Agizo hilo limetolewa tarehe 19 Aprili 2024 katika kikao kazi cha Mkurugenzi  Mtendaji na walimu Wakuu na Wakuu wa Shule, Maafisa Elimu Kata, Maafisa Tarafa pamoja na Watendaji wa Kata.

" Uwepo wa first aid kit katika shule zetu ni muhimu sana katika kutoa huduma ya kwanza kwa wanafunzi wetu pindi dharula inapotokea ,kwahiyo kila Mkuu wa shule ahakikishe anatekeleza  hili" Amebainisha Mkurugenzi Rwiza

Ili kuhakikisha wanafunzi wanaongeza  maarifa na ustadi  amewataka  walimu hao  kuanzisha na kuendeleza klabu  mbalimbali katika shule zao akisisitiza kuwa ni mfumo mzuri  wa kuwajengea uwezo pamoja na kuwaongezea maarifa  wanafunzi.

" Kuna Klabu kama za mazingira, Rushwa na nyingine nyingi anzisheni hizi Klabu na kama zipo basi ziendelezeni zina faida kubwa kwa wanafunzi"Amesisitiza

Aidha katika kuhakikisha miradi ya maendeleo inakamilika kwa wakati na katika ubora tarajiwa amewataka  washiriki wa kikao hiko kushirikiana kwa pamoja katika utekelezaji wa  miradi pamoja na kuhakikisha  kila mmoja anatimiza majukumu yake ya kusimamia na kufuatilia utekelezaji wa miradi.

Kwa upande wa Maafisa Elimu Kata, Mkurugenzi Rwiza amewataka maafisa hao kutimiza wajibu wao wa kusimamia na kufuatilia masuala ya taaluma katika maeneo yao lengo likiwa ni kuimarisha ujifunzaji na ufundishaji  katika Halmashauri ya Wilaya ya Mbinga.

Imeandikwa na Silvia Ernest 

Kitengo cha Mawasiliano ya Serikali 

Tarehe 19 Aprili, 2024