MWENGE WA UHURU KUKIMBIZWA KM 1,289.50 MKOA WA RUVUMA

Tarehe ya kuwekwa: June 8th, 2024

MWENGE WA UHURU  KUKIMBIZWA  KM  1,289.50 MKOA WA RUVUMA

Na Silvia Ernest, Tunduru

Mkoa wa Ruvuma unatarajia kukimbiza Mwenge wa Uhuru  umbali wa Kilomita  1,289.50.

Hayo yamebainishwa na Mkuu wa Mkoa wa Ruvuma Kanali Ahmed Abbas  tarehe 8 Juni 2024  katika mapokezi ya mwenge wa  Uhuru yaliyofanyika katika Kijiji cha Sauti Moja Wilaya ya Tunduru.

" Katika  Halmashauri  ya Wilaya ya Tunduru Mwenge wa Uhuru utakimbizwa  KM 284, Halmashauri  ya Wilaya  ya Namtumbo KM 170, Halmashauri ya Wilaya ya Songea  KM 134.8, Halmashauri ya Wilaya ya Mbinga  KM 110.30,

Halmashauri ya Wilaya ya Nyasa KM 186.6, Halmashauri  ya Mji Mbinga KM 140.5, Halmashauri  ya Manispaa ya Songea  KM 98.20 na Halmashauri  ya Wilaya  ya Madaba KM  165.10" Amebainisha Kanali Abbas

Kanali Abbas  ameongeza  kuwa  jumla ya  miradi 72  yenye thamani  ya shilingi  46,101,114,953.76 iliyopo ndani ya Mkoa wa Ruvuma itafikiwa na Mwenge wa Uhuru.

" Miradi 17  itafunguliwa yenye  thamani ya  5,714,686,491.95, miradi 13 itawekwa jiwe la Msingi yenye thamani ya 10,604,369,677.69 na miradi  42 itatembelewa yenye thamani ya shilingi 29,782,085,784.12" Amebainisha