MWENGE WA UHURU WATEKETEZA DAWA ZA KULEVYA MBINGA

Tarehe ya kuwekwa: April 22nd, 2023

Kiongozi wa Mbio za Mwenge wa Uhuru 2023 Ndg. Abdalla Shaib Kaim ameongoza zoezi la uteketezaji wa dawa za kulevya ikiwa ni hatua ya kuunga mkono jitihada zinazofanywa na jeshi la polisi wilayani Mbinga kwa kushirikiana na Halmashauri ya Wilaya ya Mbinga katika kupambana na janga hilo hatari nchini.

Mwenge wa Uhuru 2023 umeshuhudia na kushiriki kwa vitendo zoezi la uteketezaji wa gunia la bangi na dawa nyingine za kulevya zikiwa ni jitihada za kukabiliana na wimbi la uzalishaji, usambazaji na utumiaji wa madawa hayo hatari kwa afya ya jamii na Taifa kwa ujumla.

Mbio za Mwenge wa Uhuru mwaka huu 2023 zinaambatana na Kauli Mbiu inayosema TUKABILIANE NA CHANGAMOTO ZA DAWA zA KULEVYA WAKATI WOTE KWA USTAWI WA JAMII ambapo zoezi hilo limefanyika Kijiji cha Kigonsera, Halmashauri ya Wilaya ya Mbinga Mkoani Ruvuma.