MWENYEKITI WA CCM MBINGA AVUTIWA NA UFUGAJI WA MBUZI WA MAZIWA

Tarehe ya kuwekwa: August 7th, 2023

Mwenyekiti wa Chama cha Mapinduzi Wilaya ya Mbinga Ndg. Joseph  Augustino Mdaka ( wa kwanza kushoto)  amevutiwa  na ufugaji wa mbuzi wa maziwa jamii ya Saanen ambae anapatikana katika banda la Halmashauri  ya Wilaya ya Mbinga katika maonesho ya Nanenane yanayoendelea katika viwanja vya John Mwakangale Jijini Mbeya.

" Nimevutiwa sana na hawa mbuzi wa kisasa ni mnyama adimu sana na nimesikia kuwa maziwa yake yanavirutubisho vya kutosha kuimarisha afya ya mwili" ameeleza  Mdaka

 Amebainisha hayo alipotembelea  banda la Halmashauri ya Wilaya ya Mbinga katika maonesho ya Nanenane Jijini Mbeya tarehe 7 Agosti 2022.

Aidha amefurahishwa na elimu ya  ufugaji  na uvunaji wa samaki aliyoipata kutoka kwa  mfugaji wa samaki Bw. Gotham Sowo na kusisitiza kuwa ufugaji wa samaki una faida nyingi zikiwemo kuimarisha afya lakini pia kuongeza  kipato.

Kwa upande wake  Mfugaji wa Samaki  Bw. Gotham Sowo  amebainisha kuwa mbuzi hao wa  maziwa wana uwezo wa kutoa  lita mbili za maziwa kwa siku ambapo maziwa hayo  yanavirutubisho  vingi  muhimu katika kuimarisha  afya na  kinga ya  mwili.