RUVUMA COAL YAPONGEZWA UTEKELEZAJI WA MPANGO WA UWAJIBIKAJI KWA JAMII

Tarehe ya kuwekwa: December 5th, 2023

Na Silvia Ernest,

Mkuu wa Wilaya ya Mbinga Mhe. Aziza Ally Mangosongo  ameipongeza  Kampuni ya uchimbaji Makaa ya Mawe Ruvuma  Coal Limited  kwa kwa kutekeleza mpango  wa uwajibikaji kwa Jamii (CSR) hatua ambayo inaleta  maendeleo  katika Halmashauri ya Wilaya ya Mbinga.

Ameyataka  makampuni mengine  yanayotekeleza  shughuli zao katika Halmashauri ya Wilaya ya Mbinga kuiga mfano huo wa kushirikiana na Rais wa Jamhuri ya Tanzania Mhe. Samia Suluhu Hassan ya kuleta maendeleo nchini.

Mhe. Mangosongo ametoa pongezi hizo 5 Novemba 2023 katika hafla ya kukabidhi madawati 50  kati ya 270 pamoja na meza 5 za walimu Shule ya Msingi Paradiso  iliyopo Kata ya Ruanda  Halmashauri ya Wilaya ya Mbinga iliyoambatana na upandaji miti katika viunga vya shule hiyo.

“Nitoe pongezi kwa  Kampuni ya Ruvuma Coal kwa kuweka mazingira rafiki na wezeshi  kwa wanafunzi hawa , utekelezaji huu  ni hatua mojawapo ya kuunga mkono  azma ya Mhe. Samia Suluhu Hassan ya kuimarisha na kuboresha  ufundishai na ujifunzaji nchini” Amebainisha

Amefafanua  kuwa utekelezaji huo umeainishwa katika  Sheria ya madini ya mwaka 2010 Sura no 123  imemtaka kila mwekezaji  kuwajibika katika shughuli za  maendeleo ya kijamii  katika  jamii inayomzunguka.

 Kwa upande wake Afisa  Maendeleo kutoka  Kampuni ya Ruvuma Coal Limited Bi. Aisha Hamis  ameeleza  kampuni hiyo imekuwa ikiwajibika  kutekeleza miradi mbalimbali  ya maendeleo katika vijiji viwili  vinavyozunguka mgodi  ambavyo ni Sara na Paradiso.

“ Katika  kutoa ajira na soko  kampuni jumla ya  wafanyakazi 135 wanaotoka katika Vijiji vya Sala na Paradiso,pia  imetoa fursa za masoko kwa wajasiriamali

Kampuni  Imeboresha Zahanati ya  Paradiso na kuanzisha ujenzi wa Zahanati mpya katika Kijiji cha Sala na  imejenga madarasa  2 na ofisi 1ya walimu Shule ya Msingi Paradiso" Amefafanua