TIMU YA MBINGA DC YAPONGEZWA USHINDI SHIMISEMITA

Tarehe ya kuwekwa: November 2nd, 2023

Mkurugenzi wa Halmashauri ya Wilaya ya Mbinga ameipongeza timu  ya  Halmashauri  ya Wilaya ya Mbinga  kwa  kupata Kikombe 1 na Medali 7 katika mashindano ya Shirikisho la Michezo Serikali za Mitaa ( SHIMISEMITA) yaliyofanyika Jijini Dodoma kuanzia 18 hadi 31 Oktoba 2023, ameitaka timu hiyo kuongeza juhudi zaidi katika mashindano yajayo.

Mkurugenzi Juma ametoa pongezi hizo  2  Novemba 2023 alipozungumza na timu hiyo ofisini kwake mara baada ya timu hiyo kurejea  Wilayani Mbinga kutoka Dodoma ilipokwenda kushiriki mashindano hayo.

Amesema " Niwapongeze sana kwa ushindi huu ila nitoe rai kwenye ushindi huu ukawe chachu kwenu katika kuleta ushindi zaidi"

Mwisho amemtaka Kaimu Mkuu wa Kitengo cha Michezo na Utamaduni  Ndg. Charles Maero kuongeza  vipaji vingi pamoja na  kuongeza muda wa mazoezi ili kuleta ushindi zaidi.