VIJIJI VYA MAHILI,KITURA NA MZUZU KUNUFAIKA NA MRADI WA LTIP

Tarehe ya kuwekwa: September 7th, 2023

Na Silvia Ernest

Vijiji vya  Mahilo, Mzuzu pamoja na Kitura ni  miongoni mwa  Vijiji  103 vya Halmashauri ya Wilaya ya Mbinga ambavyo vinakwenda kunufaika  na mradi wa Uboreshaji Usalama wa Milki za ardhi ( LTIP) unaotekelezwa  na Wizara ya Ardhi Nyumba na Maendeleo ya Makazi kwa kushirikiana na Halmashauri ya Wilaya ya Mbinga.

Vijiji hivyo vipo katika awamu ya pili ya utekelezaji wa mradi wa LTIP ambapo katika awamu ya kwanza Vijiji vya  Mkalanga, Ndembo, Silo, Mapipili, Linda, Liyombo, Ulolela pamoja na Lukiti  vilifikiwa na mpango huo.

Akizungumza  katika mkutano  na wananchi wa Kijiji cha Mahilo leo tarehe 7 Septemba 2023  Afisa  Mipangomiji kutoka  Halmashauri  ya Wilaya ya  Mbinga Bw. Frank Kaseke amesema kuwa  umuhimu wa mpango wa matumizi bora ya ardhi ni pamoja na kuongeza uelewa wa  usalama wa ardhi kwa kuzingatia jinsia na makundi maalum, kuwezesha umikilishwaji wa  ardhi  pamoja  na kudhibiti  kuongezeka kwa idadi ya migogoro miongoni mwa watumiaji wa ardhi.

Ili kufanikisha utekelezaji wa mpango huo Kaseke  ametoa wito kwa wananchi kushiriki kikamilifu wakati wa utekelezaji wa mpango.

"Huu mpango ni shirikishi ndio maana wananchi wote tutashiriki kuanzia mwanzo hadi mwisho wa utekelezaji hivyo nitoe wito kwa wananchi tushirikiane ili tufanikishe malengo ya Serikali yetu" Amebainisha Kaseke.

Kupitia mkutano huo ambao ulifanyika pia katika Vijiji vya Kitura na Mzuzu  wananchi walipata elimu ya kutosha  juu ya mradi wa LTIP na Mpango wa matumizi bora ya ardhi ya vijiji, kisha walichagua wajumbe 7 wa Baraza la  usuluhishi wa migogoro la kila Kijiji pamoja na wajumbe 8 wa Kamati ya  usimamizi ya matumizi bora ya ardhi kwa kila Kijiji.

Hadi kufikia Mei 2027, Mradi wa LTIP  umelenga kuvifikia Vijiji 103 kati ya vijiji 117  vya Halmashauri ya Wilaya ya Mbinga, Vijiji vilivyobaki vimepandishwa hadhi kuwa Miji midogo na zoezi hili kwa Halmashauri ya Wilaya ya Mbinga halihusu Miji midog