"WANAWAKE WA MBINGA JIKITENI KATIKA SHUGHULI ZA KIUCHUMI"MANGOSONGO

Tarehe ya kuwekwa: September 14th, 2023

Na Silvia Hyera

Wanawake wa Wilaya ya Mbinga wametakiwa kujikita katika shughuli za kiuchumi  ili kuongeza pato la familia lakini pia kuondokana na hali ya utegemezi.

Rai hiyo imetolewa na Mkuu wa Wilaya ya Mbinga Mhe. Aziza Ally Mangosongo katika Uzinduzi wa Jukwaa la Uwezeshaji Wanawake Kiuchumi Wilaya ya Mbinga uliofanyika katika Kata ya Kitura tarehe 13 Septemba 2023.

Amesema" Kwakuwa mwanamke atajikomboa kiuchumi ataondokana na hali ya utegemezi  na kuacha  kuomba omba fedha kutoka kwa mweza wake bali atashirikiana nae katika kuleta maendeleo ya familia"

Aidha amewataka wanawake hao kutumia fursa za kiuchumi  zilizopo  Wilaya ya Mbinga katika kubuni biashara  zenye tija zitakazoleta ushindani wa kibiashara wenye  kuleta maendeleo katika Wilaya ya Mbinga.

Kwa kutambua hilo Mhe. Mangosongo amesema kuwa Wilaya ya Mbinga inaendelea na mkakati wa kuwatafutia masoko wajasiriamali wa Mbinga hasa wanawake.

"Katika Wilaya yetu ya Mbinga tumepanga na tunaendelea kuwatafutia masoko wajasiriamali  na hasa wanawake,

Mwaka huu tumeanzisha maonesho ya Nanenane kiwilaya na kupitia maenesho hayo wanawake wengi wajasiriamali walifika na kuuza bidhaa zao" Amesema Magosongo