WAWEKEZAJI MNAKARIBISHWA MBINGA DC

Tarehe ya kuwekwa: September 2nd, 2023

Kaimu Mkuu wa Idara ya  Viwanda, Bishara na Uwekezaji  Halmashauri ya Wilaya ya Mbinga Bi. Martina Ernest Ngahi ametoa wito kwa wawekezaji waliopo  ndani na nje ya Mkoa wa Ruvuma kuja kuwekeza  katika Halmashauri ya Wilaya ya Mbinga.

Amesisitiza kuwa Halmashauri ya Wilaya ya Mbinga ina maeneo na fursa nyingi za kichumi hivyo  ambazo zinaweza kutumika katika kuleta maendeleo nchini.

Bi. Martina ametoa wito huo 2 Septemba 2023  wakati akizungumza katika kipindi cha radio  MBINGA YETU kinachorushwa na Radio Hekima iliyopo katika Wilaya ya Mbinga.

" Katika Halmashauri yetu tuna fursa mbalimbali za kiuchumi mfano  uwekezaji wa usindikaji wa sembe au zao la soya, ujenzi wa  mahoteli na nyumba za kulala wageni na kadhalika" Amesema Bi. Martina

Kipindi cha MBINGA YETU  kinarushwa kila jumamosi  kuanzia saa sita mchana hadi saa saba, katika  kipindi hiko utapata taarifa mbalimbali za utekelezaji  wa shughuli za Halmashauri ya Wilaya ya Mbinga.

Aidha  Bi. Martina amewakumbusha wafanya biashara  waliopo katika Halmashauri ya Wilaya ya Mbinga kuwa wabunifu  na kutumia changamoto  zilizopo kama fursa  katika kuanzisha au kuimarisha biashara zao.

Amesema " Ukiwa mfanya biashara lazima  uwe mbunifu  sio unaiga kila biashara  jitahidi kupambania na kwenda nje ya boksi"